fbpx
corona information

गृहपृष्ठ विश्वभर कोरोना संक्रमितको संख्या तीन करोड नजिक, दुई करोड १५ लाख संक्रमित डिस्चार्ज

विश्वभर कोरोना संक्रमितको संख्या तीन करोड नजिक, दुई करोड १५ लाख संक्रमित डिस्चार्ज

अहिलेसम्म ९ लाख ३९ हजार संक्रमितको ज्यान गयो, ६० हजार ९१२ जनाको स्वास्थ्य अवस्था चिन्ताजनक

विश्वभर कोरोना संक्रमितको संख्या तीन करोड नजिक पुगेको छ । गएको २४ घण्टामा मात्रै दुई लाख ८३ हजार जनामा नयाँ संक्रमण देखिएपछि कुल संक्रमितको संख्या दुई करोड ९७ लाख २२ हजार ४७८ पुगेको हो ।

त्यस्तै अहिलेसम्म ९ लाख ३९ हजार १२९ जनाले ज्यान गुमाएका छन् । मंगलबार मात्रै ६ हजार पाँच सय जनाले ज्यान गुमाएका थिए । त्यस्तै अहिलेसम्म दुई करोड १५ लाख ३७ हजार संक्रमित डिस्चार्ज भएका छन् भने ७२ लाख ४६ हजार संक्रमितको उपचार भइरहेको छ ।

सबैभन्दा बढी संक्रमण फैलिएको अमेरिकामा ६७ लाख ८८ हजार १४७ जनामा संक्रमण देखिएको छ । गएको २४ घण्टामा मात्रै ३६ हजार ४४७ जनामा संक्रमण देखिएको हो । त्यस्तै एकै दिनमा मात्रै अमेरिकामा एक हजार १९७ जनाले ज्यान गुमाएका छन् । योसँगै अमेरिकामा ज्यान गुमाउनेको संख्या दुई लाख नाघेको छ । त्यस्तै ४० लाख ६८ हजारको सफल उपचार भएको छ भने २५ लाख १९ हजारको उपचार भइरहेको विश्व स्वास्थ्य संगठनले जनाएको छ ।

विश्वमा सबैभन्दा बढी दोस्रो संक्रमित भएको मुलुकको रुपमा देखिएको भारतमा कोरोना संक्रमितको संख्या ५० लाख नाघेको छ । गएको २४ घण्टामा मात्रै ९१ लाख १२० जनामा संक्रमण देखिएपछि कुल संक्रमितको संख्या ५० लाख १८ हजार ३४ पुगेको छ ।

भारतीय स्वास्थ्य विभागका अनुसार अहिलेसम्म ८२ हजार ९१ जनाको ज्यान गएको छ । गएको २४ घण्टामा मात्रै एक हजार २८३ जनाको ज्यान गएको बताइएको छ । त्यस्तै ३९ लाख ३९ हजार संक्रमितको सफल उपचार भएको छ भने ९ लाख ९६ हजार ८३२ जनाको उपचार भइरहेको छ ।

प्रकाशित समय ०९:२९ बजे

vayodha-hospital

प्रतिक्रिया दिनुहोस्

सम्बन्धित शीर्षकहरु