विश्वभर कोरोना भाइरस संक्रमणमा सबैभन्दा बढी फैलिएको अमेरिकापछिकै दोस्रो देशमा भारत देखिएको छ । दोस्रो बढी संक्रमित देश ब्राजिललाई पन्छ्याउँदै भारत दोस्रो स्थानमा देखिएको छ । आइतबारको तथ्यांक हेर्ने हो भने सबैभन्दा उच्च संक्रमण भारतमा देखिएको छ ।

गएको २४ घण्टामा मात्रै भारतमा ९१ हजार ७२३ जनामा संक्रमण देखिएपछि कुल संक्रमितको संख्या ४२ लाख दुई हजार ५६२ पुगेको हो । भारतीय स्वास्थ्य विभागका अनुसार अहिलेसम्म भारतमा ७१ हजारभन्दा बढीले ज्यान गुमाएका छन् ।

गएको २४ घण्टामा मात्रै एक हजार आठ जनाले ज्यान गुमाएपछि ज्यान गुमाउनेको संख्या ७१ हजार ६८७ पुगेको छ । त्यस्तै ३२ लाख ४७ हजार २९७ जनाको सफल उपचार भएको छ भने आठ लाख ८३ हजार ५७८ जनाको उपचार भइरहेको छ ।

प्रकाशित समय १४:०८ बजे