विश्वभर कोरोना संक्रमितबाट ज्यान गुमाउनेको संख्या सात लाख नाघेको छ । गएको २४ घण्टामा मात्रै सात हजारभन्दा बढी व्यक्तिको ज्यान गएपछि मृतकको संख्या सात लाख चार हजार ३२४ पुगेको छ ।

विश्व स्वास्थ्य संगठनका अनुसार अहिलेसम्म एक करोड ८६ लाख ९९ हजार ४३२ पुगेको छ । एकै दिनमा दुई लाख ६२ हजार व्यक्तिमा संक्रमण देखिएको छ । त्यस्तै एक करोड १९ लाख १४ हजार ७८८ जना उपचारपछि घर फर्किएका छन् भने ६० लाख ८० हजार ३२० जनाको उपचार भइरहेको छ । उपचार भइरहेकामध्ये ६५ हजार ४७७ जनाको स्वास्थ्य अवस्था चिन्ताजनक रहेको जनाएको छ ।

सबैभन्दा बढी संक्रमण फैलिएको अमेरिकामा कोरोना संक्रमितको संख्या ५० लाख नजिक पुगेको छ । गएको २४ घण्टामा मात्रै ५४ लाख ५०४ जनामा संक्रमण भएपछि संक्रमितको संख्या ४९ लाख १८ हजार ४२० पुगेको छ ।

त्यस्तै एक लाख ६० हजार २९० जनाको ज्यान गएको छ । गएको २४ घण्टामा मात्रै एक हजार ३६२ जनाले ज्यान गुमाए । त्यस्तै २४ लाख ८१ हजार ६८० जनाको सफल उपचार भएको छ भने २२ लाख ७६ हजार ४५० जनाको उपचार भइरहेको छ ।

त्यस्तै ब्राजिलमा कोरोना संक्रमितको संख्या २८ लाख आठ हजार जनामा संक्रमण भएको छ । गएको २४ घण्टामा मात्रै ५६ हजार ४११ जनामा संक्रमण देखिएको छ । त्यस्तै ९६ हजार ९६ जनाको ज्यान गएको छ ।

भारतमा पनि कोरोना संक्रमितको संख्या १९ लाखभन्दा बढी सक्रमित देखिएका छन् । गएको २४ घण्टामा मात्रै ५१ हजार २८२ जनामा संक्रमित थपिएका छन् भने ३९ हजार ८२० जनाको ज्यान गएको छ ।

प्रकाशित समय ०८:३३ बजे