fbpx
corona information

गृहपृष्ठ १३ सय छात्रालाई गाउँपालिकाले स्यानिटरी प्याड वितरण गर्ने

१३ सय छात्रालाई गाउँपालिकाले स्यानिटरी प्याड वितरण गर्ने

विद्यालयमा छात्राहरूलाई नियमित गर्न गाउँपालिकाद्वारा स्यानिटरी प्याड वितरण कार्यक्रम सुुरु गरिने भएको छ । हुम्लाको खार्पुनाथ गाउँपालिकाले १३ सय छात्रालाई नियमित गर्न उक्त कार्यक्रम सुुरु गर्ने भएको हो ।

खार्पुनाथ गाउँपालिका क्षेत्रभित्र रहेका दशवटा सामुदायिक विद्यालयलाई गाउँपालिकाले निःशुल्क स्यानिटरी प्याड वितरण गर्ने योजना अघि सारेको हो । गाउँपालिकाभित्र रहेका १० वटा सामुदायिक विद्यालयका १३ सय छात्रालाई ५ हजार ५ सय थान स्यानिटरी प्याड वितरण गरिने गाउँपालिका शिक्षा शाखा प्रमुख भिमबहादुर थापाले जानकारी दिए ।

उनका अनुसार कक्षा ६ देखि कक्षा १२ सम्मका छात्राहरुलाई लक्षित गरी सो कार्यक्रम सुुरु गर्न लागिएको हो । यसको लागि नेपालगञ्जबाट ५ हजार ५ सय थान प्याड आइसकेको र लगत्तै गाउँपालिकामा लिएर वितरण गर्ने तयारी भएको उनले बताए ।

प्रकाशित समय २१:२१ बजे

vayodha-hospital

प्रतिक्रिया दिनुहोस्

सम्बन्धित शीर्षकहरु