विश्वभर ८७ लाख ३५ हजारभन्दा बढी कोरोना संक्रमित डिस्चार्ज भएको छन् । गएको २४ घण्टामा मात्रै हजारौंको संख्यामा कोरोना संक्रमित उपचारपछि निको भएर घर फर्किएका छन् ।

विश्व स्वास्थ्य संगठनका अनुसार अहिलेसम्म एक करोड ४६ लाखभन्दा बढी व्यक्तिमा कोरोना देखिएको छ । गएको २४ घण्टामा मात्रै करिब दुई लाख २७ हजारभन्दा बढी व्यक्तिमा भाइरस देखिएपछि कुल संक्रमितको संख्या एक करोड ४६ लाख ४१ हजार ८१९ पुगेको छ ।

ज्यान गुमाउनेको संख्या पनि विश्वभर ६ लाख आठ हजारभन्दा बढीको ज्यान गएको छ । गएको २४ घण्टामा मात्रै करिब साढे पाँच हजारभन्दा बढीको ज्यान गएको थियो । त्यस्तै कुल संक्रमितमध्ये ५२ लाख ९७ हजारभन्दा बढीको उपचार भइरहेको छ ।

सबैभन्दा बढी संक्रमित भएको मुलुक अमेरिकामा करिब ३९ लाखको हाराहारीमा संक्रमित देखिएका छन् । गएको २४ घण्टामा ६५ हजारभन्दा बढी व्यक्तिमा संक्रमण देखिएपछि कुल संक्रमितको संख्या ३८ लाख ९८ हजार ५५० पुगेको छ ।

त्यस्तै एक लाख ४३ हजार २८९ जनाको ज्यान गएको छ । गएको २४ घण्टामा मात्रै ४१२ जनाको ज्यान गएको थियो । त्यस्तै १८ लाखभन्दा बढीको उपचारपछि घर फर्किएका छन् भने १९ लाख ५२ हजार ९२३ जनाको उपचार भइरहेको छ ।

ब्राजिलमा कोरोना संक्रमितको संख्या २० लाख ९९ हजार ८९६ पुगेको छ । गएको २४ घण्टामा मात्रै २४ हजार ६५० जनामा संक्रमण देखिएको थियो भने अहिलेसम्म ७९ हजार ५३३ जनाको ज्यान गएको छ ।

प्रकाशित समय ०९:१४ बजे