fbpx
Rashifal Ad
Nepal Mediciti

गृहपृष्ठ हेटाैंडामा डरलाग्दोसँग बढ्दै निको नहुने रोग

हेटाैंडामा डरलाग्दोसँग बढ्दै निको नहुने रोग

bloodtest_NewsKarobarjpg

हेटौंडा उपमहानगरपालिकामा मात्र दैनिक एक जनालाई मुटु रोग, मिर्गौला रोग तथा अर्बुद (क्यान्सर) रोग देखा परेको पाइएको छ ।

चाँडो निको नहुने, निको भए पनि उपचार महँगो पर्ने, सजिलैसँग उपचार सेवासमेत नपाइने र ढिलागरी मात्र थाहा पाए निको नै नभएर ज्यानै जाने खालका रोगका कारण पछिल्ला पाँच महीनाको अवधिमा १५८ जना बिरामी परेका पाइएको छ ।

उक्त तथ्यांक उपमहानगरपालिकामा विपन्न भनेर सरकारले उपलब्ध गराउने आर्थिक सहयोगका लागि सिफारिस लिन आउनेको मात्र हो । विपन्न प्रमाणित नभएका र विपन्न भएर पनि थाहा नपाएर उपमहानगरमा दर्ता नभएका बिरामीको संख्या अरु १५ देखि २० जानाको हाराहारीमा हुनसक्ने उपमहानगरका जनस्वास्थ्य महाशाखा प्रमुख सुपेन्द्र कार्कीको भनाइ छ ।

कार्कीका अनुसार नसर्ने रोगका कारण दुई वर्षीया एक बालिकादेखि ८९ वर्षसम्मका वृद्धवृद्धा बिरामी परेका पाइए पनि अर्बुद रोग पीडित दुई वर्षीया बालिका र पाँच वर्षीय एक बालकसहित २१ वर्ष भन्दा मुनिका पाँच जना, २१ वर्षदेखि ४० वर्षसम्मका १७ जना र ४१ वर्षदेखि माथिका १३६ जना रहेका छन् ।

यसरी हेर्दा असाध्य रोग भनेरसमेत चिनिने नसर्ने रोगका कारण ४० वर्ष भन्दामाथि उमेर समूहका मानिस बढी जोखिममा रहेका देखिएको छ । लैङ्गिक हिसाबमा नसर्ने रोगका कारण ७० महिला र ८८ पुरुष बिरामी परेका पाइएको छ ।

प्रदेश नं– ३ सरकारले प्राणघातक रोगका रुपमा रहेका नसर्ने रोगले गम्भीर बनाउनुभन्दा अगाडि बेलैमा थाहा पाएर उपचार गराउन सहज होस् भनेर  मुख्यमन्त्री जनता स्वस्थ्यपरीक्षण कार्यक्रम गरिएको छ ।

यसअन्तर्गत बेलैमा आफ्नो स्वास्थ्य परीक्षण गराए मिर्गाैला रोग, मुटु रोग तथा अर्बुदजस्ता रोगको सम्भावना थाहा पाउन तथा रोग लाग्दै गरेको देखिए शुरुमै पहिचान गरेर उपचार गर्न सकिने हुँदा उक्त सेवा उपलब्ध भएका अस्पतालमार्फत सेवा लिन अनुरोध गर्दासमेत कतिपयले स्वास्थ्य परीक्षणमा चासो नदिएको अधिकारीहरू बताउँछन् । (रासस)

प्रकाशित समय १८:४१ बजे

vayodha-hospital
NCC Bank

प्रतिक्रिया दिनुहोस्

सम्बन्धित शीर्षकहरु