fbpx
corona information
NICASIA BANK- Chait 15

गृहपृष्ठ अन्नपूर्ण बेसक्याम्प बन्द, २९ पदयात्री काठमाडाैं पठाइए

अन्नपूर्ण बेसक्याम्प बन्द, २९ पदयात्री काठमाडाैं पठाइए

अन्नपूर्ण बेसक्याम्प (एबीसी) आन्तरिक तथा बाह्य पर्यटकको रोजाइमा पर्ने नेपालको प्रमुख पदमार्गमध्ये एक हो । जुन अहिले विश्वभर फैलिएको कोरोना भाइरस (कोभिड-१९) का कारण बन्द गरिएको छ ।

केही समयअघि हिमपहिरो गएपछि बन्द भएको एबीसी फेरि महामारीको चपेटामा परेको छ । पर्यटकको चाप हुने मुख्य सिजनको बेला पदमार्ग बन्द हुँदा पर्यटन व्यवसायीहरू मारमा परेका छन्  । छोम्रोङ पर्यटन व्यवस्थापन समिति र वडा कार्यलयको सहकार्यमा ११ गते मंगलबार बसेको बैठकको निर्णयबाट अन्नपूर्ण बेसक्याम्प बन्द भएको छोम्रोङ पर्यटन व्यवस्थापन समितिका अध्यक्ष बुद्धिमान गुरुङ बताए ।

उनले भने, ‘विश्वभर महामारी रुपमा फैलिएको कोरोना भाइरस स्थानीयलाई संक्रमण हुने सम्भावना बढेकाले एबीसी बन्द गराइएको हो । अब आउने जोसुकै पर्यटकलाई पनि यस क्षेत्रमा भित्रिन नदिने निर्णय गरी चेकपोष्ट पनि बन्द गरेका छौं ।’ स्थानीयवासीमा रोग भित्रिन्छ कि भन्ने त्रास बढेको उनले बताए ।

अन्नपूर्ण बेसक्यापबाट २९ जना पर्यटकहरुलाई काठमाडौं पठाइएको छोम्रोङ पर्यटन व्यवस्थापन समितिका सचिव दिलिप गुरुङले बताए । उनका अनुसार अहिलेसम्म स्की खेल्ने समूहमध्येका ४ जना फर्किन बाँकी रहेको र उनीहरु पनि बेलुकासम्म फर्किने योजना रहेको छ ।

स्की खेल्ने सो टोलीलाई पनि अन्नपूर्ण बेस क्याम्पबाट खबर गरिसकेको उनले बताए । उनले भने, ‘होटल समिति, आमा समूह, क्लब, स्वास्थ्य इकाई चौकी समेतले गरी पाँच लाखको आपकालीन उद्धार कोष तयार गरेका छौं । विपद आइपरेको खण्डमा स्थानीयसँगै पर्यटक व्यवसायीलाई पनि विभिन्न जनचेतनामुलक कार्यक्रमहरु सञ्चालन गरेका छौं ।’

कोरोनाको कारण अहिले एक्यापले पनि प्रवेशमा रोक लगाएको छ । यो बेला पदयात्रीको लागि अन्नपूर्ण बेसक्याम्प (एबीसी) उपयुक्त मानिन्थ्यो तर महामारीको रुपमा फैलिएको कोरोना भाइरस (कोभिड–१९) का कारण अहिले व्यवसायी चिन्तित भएका छन् ।

उनीहरुका अनुसार कोरोना भाइरसका कारण पर्यटन क्षेत्रमा करौडौंको नोक्सानी भएको छ ।सिजनको सुरुवाती नै चैत्र महिना हो । अन्नपूर्ण बेसक्याम्पमा अहिले ८० वटा होटल सञ्चालनमा रहेका छन् ।

प्रकाशित समय १३:४० बजे

vayodha-hospital
NCC Bank

प्रतिक्रिया दिनुहोस्

सम्बन्धित शीर्षकहरु