fbpx
corona information

गृहपृष्ठ हालसम्मकै उच्च अंकमा नेप्से, ३० खर्ब ५४ अर्ब पुग्यो बजार पूँजीकरण

हालसम्मकै उच्च अंकमा नेप्से, ३० खर्ब ५४ अर्ब पुग्यो बजार पूँजीकरण

हरेक दिन नयाँ-नयाँ रेकर्ड राख्दै अगाडि बढेको धितोपत्र बजारमा सेयर कारोवार मापक नेप्से परिसूचक मंगलबार पनि दोहोरो अंकले उकालो लागेको छ । नेप्सेको वृद्धिसँगै नेपालको सेयर बजारको इतिहासमा आज हालसम्मकै उच्च अंकमा पुगेको छ ।

यस्तै बजार पूँजीकरण पनि साढे ३० खर्बको हाराहारीमा पुगेको छ । नेपाल स्टक एक्सचेञ्जका अनुसार नेप्से २८.३१ अंकले उकालो लागेर दुई हजार २६७.७३ मा पुगेको छ । यस्तै ठूला कम्पनीको सेयर कारोवार मापन गर्ने सेन्सेटिभ परिसूचक ३.८९ ले वृद्धि भई ४३३.२८ मा पुगेको छ । कूल २०२ कम्पनीको एक करोड ३५ लाख ३१ हजार २२७ कित्ता सेयर चार अर्ब ९८ करोड २३ लाख ९१ हजार ८९७ मूल्यमा खरिद बिक्री भए ।

नेप्सेमा देखिएको दोहोरो अंकको वृद्धि पछि आज कूल बजार पूँजीकरण ३० खर्ब ५४ अर्ब ५३ करोड ८८ लाख ३० हजार पुगेको छ । मुलुकको कूल ग्राहस्थ उत्पादन र बजार पूँजीकरणको आकार करिब-करिब उस्तै हुने क्रममा पुगेको छ ।

कारोवार भएका कूल १२ उपसमूहमध्ये आज व्यापार उपसमूहको मात्रै सेयर ओरालो लागेको छ । व्यापार १५.४ ले ओरालो लाग्दा बैंकिङ १४.५४, होटल ९.९३, विकास बैंक १९.४, जलविद्युत् ६०.९१, वित्त २३.१४, निर्जीवन बिमा २७३.२७, उत्पादन ६.८९, अन्य ६.४८, लघुवित्त ५३.१९, जीवन बिमा ३७६ र सामूहिक लगानी कोष ०.१ अंकले उकालो लागेको छ । कारोवारका आधारमा आज प्रिमियर इन्स्योरेन्स शीर्षस्थानमा रहेको छ । सो कम्पनीको २९ करोड छ लाख ३४ हजार ४७० बराबरको कारोबार भई शीर्षस्थानमा रहे ।

यस्तै, प्रभु बैंक १६ करोड आठ लाख ६५ हजार ६६७, माथिल्लो तामाकोशी १५ करोड ७१ लाख १३ हजार ८८२, नेपाल लाइफ इन्स्योरेन्स रु १५ करोड ५५ लाख ८१ हजार २३३, नेशनल लाइफ इन्स्योरेन्स १४ करोड ९७ लाख २२ हजार ५३१, सिभिल बैंक १४ करोड एक लाख ३० हहजार ८४१, नेपाल पुनर्बिमा कम्पनी १३ करोड २२ लाख ७६ हजार , एनआइसी एशिया बैंक १२ करोड ३८ लाख ३३ हजार ४२०, नेपाल दूरसञ्चार कम्पनी १२ करोड २२ लाख ८० हजार ५३० र लुम्बिनी जनरल इन्स्योरेन्सका लगानीकर्ताले १० करोड तीन लाख ३४ हजार १४९ बराबरको कारोवार गर्दै शीर्षस्थानमा रहे ।

कारोवार भएका कम्पनीहरुमध्ये १२९ कम्पनीको सेयर उकालो लागेको छ । यस्तै ३२ कम्पनीको सेयर ओरालो लाग्दा १५ कम्पनीको सेयरमा भने कुनै परिवर्तन भएन । कारोवारका आधारमा आइएमई जनरल इन्स्योरेन्स १०, आरम्भ चौतारी लघुवित्त ९.९८, कर्पोरेट डेभलपमेन्ट बैंक ९.९३, युनाइटेड फाइनान्स ९.९०, माथिल्लो तामाकोशी ९.८९, प्रभु लाइफ इन्स्योरेन्स ९.७८, समृद्धि फाइनान्स ९.७०, गुर्खाज फाइनान्स ९.०५, नारायणी डेभलपमेन्ट बैंकका सेयरधनीले ८.५१ प्रतिशतले गुमाए । यसैगरी नेपाल हाइड्रो ३.७८, प्रिमियर इन्स्योरेन्स २.२९, सिभिल लघुवित्त २.२२, एनएमबी पचास १.८६, तारागाँउ रिजेन्सी होटल १.६३, युनिलिभर नेपाल १.४२, नेपाल फाइनान्स १.२१ र आरएमडीसी लघुवित्तका लगानीकर्ताले १.२० प्रतिशतले गुमाए ।

प्रकाशित समय १९:०२ बजे

प्रतिक्रिया दिनुहोस्

सम्बन्धित शीर्षकहरु