fbpx
Nepal Mediciti

गृहपृष्ठ हिमाल दोलखा हाइड्रोले ७८ लाख कित्ता साधारण सेयर बिक्री गर्ने

हिमाल दोलखा हाइड्रोले ७८ लाख कित्ता साधारण सेयर बिक्री गर्ने

dhitopatra-board-newskarobar

नेपाल धितोपत्र बोर्डले हिमाल दोलखा हाइड्रोपावर कम्पनीलाई साधारण सेयर बिक्रीका लागि स्वीकृति दिएको छ ।

बोर्डका अनुसार कम्पनीले पहिलो चरणमा आयोजना प्रभावित इलामका बासिन्दालाई १६ लाख कित्ता साधारण सेयर बिक्री गर्नेछ । दोस्रो चरणमा ६२ लाख कित्ता साधारण सेयर आम सर्वसाधारणलाई बिक्री गर्नेछ । कम्पनीले कूल ७८ लाख कित्ता साधारण सेयर बिक्री गर्ने गरी बोर्डबाट स्वीकृति पाएको हो ।

कम्पनीको सेयर बिक्री प्रबन्धकमा ग्लोबल आईएमई क्यापिटल लिमिटेड रहेको छ । कम्पनीले केयर रेटिङ नेपाल लिमिटेडले गरेको वित्तीय विश्लेषणमा ग्रेड चार प्राप्त गरेको छ ।

कम्पनीले निर्माण गरेको ४.५५ मेगावाट क्षमताको माई खोला साना जलविद्युत् आयोजना र आठ मेगावाट क्षमताको माई साना जलविद्युत् आयोजना सञ्चालन गरिरहेको छ ।

दुवै आयोजना इलाममा अवस्थित छ । बोर्डले हालसम्म विभिन्न २५ कम्पनीलाई सात अर्ब २४ करोड चार लाख १६ हजार ८०० बराबरको साधारण सेयर बिक्रीका लागि अनुमति दिइसकेको छ ।(रासस)

प्रकाशित समय ०६:३८ बजे

vayodha-hospital
NCC Bank

प्रतिक्रिया दिनुहोस्

सम्बन्धित शीर्षकहरु