fbpx
Nepal Mediciti

गृहपृष्ठ लेमिनेसन गरेको बोरामा मात्रै सिमेन्ट प्याकिङ गरेर बजार पठाउनुपर्ने

लेमिनेसन गरेको बोरामा मात्रै सिमेन्ट प्याकिङ गरेर बजार पठाउनुपर्ने

cement

स्वदेश तथा विदेशमा उत्पादित सिमेन्ट लेमिनेसन गरेको बोरामा प्याकिङ गरेर मात्र बजारमा पठाउनुपर्ने भएको छ ।

नेपाल गुणस्तर तथा नापतौल विभागले बिहीबार विज्ञप्ति जारी गरी सिमेन्टलाई लेमिनेसन गरेको बोरामा प्याकिङ गरेर मात्र बजारमा पठाउन सिमेन्ट उत्पादक संघलाई आग्रह गरेको छ ।

विभागले सर्वोच्च अदालत, संयुक्त इजलासको आदेश ०६९ डब्लुओ ०२१४ समेतको मुद्दामा २०६९ भदौ १९ मा जारी अन्तरिम आदेश निष्कृय हुनेगरी फैसला भएअनुसार सबै सिमेन्ट उद्योगलाई लेमिनेसन गरेको बोरामा प्याकिङ गरेर बजारमा पठाउन आग्रह गरेको हो ।

विभागका महानिर्देशक विश्वबाबु पुडासैनीले लेमिनेसन गरेको बोरामा प्याकिङ गरेर बजारमा पठाउँदा गुणस्तर लामो समयसम्म ह्रास नहुने र सिमेन्टको बोराबाट निस्कने धुलो कम हुने बताए ।

लेमिनेसन गरेको बोरामा प्याकिङ गरेर बजारमा नपठाउने सिमेन्ट उद्योगलाई कारबाही गर्नेसमेत विभागले जनाएको छ । (रासस)

प्रकाशित समय ०७:४८ बजे

vayodha-hospital
NCC Bank

प्रतिक्रिया दिनुहोस्

सम्बन्धित शीर्षकहरु