fbpx
Nepal Mediciti

गृहपृष्ठ विद्युत् कम्पनीको लापर्बाहीले खोला पुरियो

विद्युत् कम्पनीको लापर्बाहीले खोला पुरियो

दैलेखको नौमुलेमा निर्माणको अन्तिम चरणमा रहेको पदमखोला जलविद्युत आयोजनाको पाइप पुर्ने क्रममा एक किलोमिटर खोला बगर बनेको छ । नौमुलेदेखि भुरुंगेसम्मको सडकको भित्ता साइडबाट अहिले पाइप विछ्याउने काम धमाधम सुरु भएको छ ।

सडकभन्दा दुई मिटर तल पाइप गाड्नका लागि भित्तो खन्दा अहिले जङ्गलमाथिको सबै भाग पहिरोका रुपमा खसेको छ । पहिरो पन्छाउन नजिकै रहेको खोला प्रयोग गरेर सबै माटो डुंगा खोलामा फालेपछि करिब एक किलोमिटर खोलासमेत पूर्णरुपमा पुरिएको छ । निर्माण कम्पनीले जनतालाई रकमको लोभ देखाएर आफ्नो स्वार्थ पूरा गर्न खोजेको नौमुले गाउँपालिकाका अध्यक्ष भदे बुढामगरले आरोप लगाएका छन् ।

स्थानीय सरकारसँग समन्वय गरेर आयोजनाले काम अगाडि बढाउनुपर्ने भए पनि आफ्नो स्वार्थमा मात्रै केन्द्रित भएको आरोप बुढाको छ । दोल्ती पावर कम्पनीले ७२ करोड रुपैयाँको लागतमा अहिले पदमखोला जलविद्युत आयोजना निर्माणको काम अन्तिम चरणमा पु-याएको छ । खोला पुरेर बगर बनाएको भन्दै जनताले गुनासो गरेपछि जिल्ला समन्वय समिति, नौमुले गाउँपालिकाको संयुक्त अनुगमनपश्चात तत्काल खोला सफा गर्न निर्देशनपछि अहिले दुईवटा डोजर लगाएर खोला सफा गर्न थालिएको छ । (रासस)

प्रकाशित समय १५:०५ बजे

vayodha-hospital
NCC Bank

प्रतिक्रिया दिनुहोस्

सम्बन्धित शीर्षकहरु