fbpx
Rashifal Ad

गृहपृष्ठ रतुवामाईमा ‘उपाभोक्ता अधिकार तथा स्थानीय बजार व्यवस्थापन’ अभिमुखीकरण

रतुवामाईमा ‘उपाभोक्ता अधिकार तथा स्थानीय बजार व्यवस्थापन’ अभिमुखीकरण

ratuwamai-newskarobar

मोरङको रतुवामाई नगरपालिकामा सरोकारवालालाई उपभोक्ता अधिकारका विषयमा जानकारी दिने उद्देश्यले ‘उपाभोक्ता अधिकार तथा स्थानीय बजार व्यवस्थापन’ विषयक एकदिने अभिमुखीकरण कार्यक्रम सम्पन्न भएको छ । संघीय मामिला तथा सामान्य प्रशासन मन्त्रालयले नगरपालिकाका जनप्रतिनिधि, कर्मचारी र सरोकारवालाका लागि एकदिने क्षमता अभिमुखीकरण गरेको हो ।

कार्यक्रममा रतुवामाई नगरपालिकाका उपप्रमुख दयन्तदेवी चुडालले नगर क्षेत्रका बजार पसलको अनुगमन गरी उपभोक्ताको अधिकार स्थापित गर्नुपर्नेमा जोड दिइन् । उनले नगर क्षेत्रमा म्याद गुज्रिएका दैनिक उपभोग्य वस्तु फेला पर्ने गरेको, गुणस्तरहीन माछामासु बिक्री–वितरण, अखाद्य वस्तुहरुको मिसावट नियन्त्रण गर्न बजार अनुगमनलाई तीव्र रुपमा अघि बढाउन वडाध्यक्षहरुलाई निर्देशन दिइन् । नगरपालिकाका प्रमुख प्रशासकीय अधिकृत मदन घिमिरेले बजार व्यवस्थापनमा नगरवासीको भूमिका महत्वपुर्ण हुने बताए । उनले बजार क्षेत्रका सवै पसल तथा व्यापार व्यवसायलाई दर्ताको दायरामा ल्याउनुपर्नेमा जोड दिए ।

त्यस्तै, उपभोक्ता अधिकारकर्मी कृष्णप्रसाद भण्डारी ‘मार्सेली’ले उपभोक्ता अधिकार, ऐन तथा कानुनहरु, बजारका समस्यालगायतका विषयमा विभिन्न ५ वटा कार्यपत्र प्रस्तुत गर्दै सहजीकरण गरेका थिए । कार्यक्रममा नगरपालिकाका जनप्रतिनिधि, नागरिक समाजका अगुवा, विभिन्न राजनीतिक दलका प्रतिनिधि, सञ्चारकर्मीलगायतको सहभागिता थियो ।

प्रकाशित समय १६:४८ बजे

vayodha-hospital
NCC Bank

प्रतिक्रिया दिनुहोस्

सम्बन्धित शीर्षकहरु