fbpx
Nepal Mediciti

गृहपृष्ठ सस्ताे पाएपछि जुत्ता मेलामा उपभाेक्ताकाे भिड, एक जाेर किन्ने पैसाले दुइजाेर

सस्ताे पाएपछि जुत्ता मेलामा उपभाेक्ताकाे भिड, एक जाेर किन्ने पैसाले दुइजाेर

तपाईं बर्षमा कतिजोर जुत्ता चप्पल लगाउनु हुन्छ ? चाहिएका बेला मात्र किन्नु हुन्छ कि एकै पटक किनेर राख्नु हुन्छ ? जतिखेर चाहियो त्यतिखेर किन्न जानु भयो भने महंगोमा पर्न सक्नु हुन्छ । बर्षमा चाहिने २÷३ जोर जुत्ता सस्तोमा पाइएका बेला एकै पटक किन नकिन्ने ? राजधानीको भृकुटीमण्डप नेपाली जुत्ताचप्पल उद्योगी समुहले सुरु गरेको काठमाडौं फुटवेयर विजनेस एक्स्पो तपाईका लागि सस्तोमा जुत्ताचप्पल किन्ने उपयुक्त अबसर हुनसक्छ । अरु बेला एक जोर किन्न तिर्नु पर्ने पैसाले अहिले दुई जोर पाइयो भने एकै पटक बर्षभरिलाई किन्दा के विग्रियो र ? जुत्ता चप्पलमा बर्षभरि हुने खर्च स्वात्तै घट्ने छ । मुलुकका प्रतिष्ठित जुत्ताचप्पल उत्पादकहरु बिएफ डियर हिल, रन, क्रसरोड, हाइलाइफ, रोयल, सुल्याण्ड र ग्याज फेसन कम्पनी मिलेर बुधबारदेखि मेला सुरु गरेका हुन् ।
जुत्ताचप्पल किन्न मेला कुर्ने उपभोक्तालाई लक्षित गरिएको एक्स्पोमा बजारको भन्दा उत्पादन हेरेर १५ देखि ६० प्रतिशतसम्म छुट दिइएको मेलामा सहभागी सुल्याण्डका सुरज बन्जाडे बताउँछन् । ‘होलसेलर, डिलर, रिटेलरलाई कमिसन दिन नपर्ने भएकाले मेलामा सस्तोमा जुत्दा बेच्न सकेका हौं’ उनले भने, ‘जुत्ताचप्पल किन्ने यही मौका हो । मेला सकिनासाथ बजारमा किन्न जाँदा यहाँभन्दा निकै महंगो पर्छ । कम्तीमा अर्को बर्ष लाग्ने मेलासम्मका लागि जुत्ताचप्पल किनेर राख्नु उपयुक्त हुन्छ ।
मेला धेरै ब्राण्डबीच दाँजेर किन्ने स्थल पनि भएको छ । ‘मेलामा जुत्ता किन्नेहरुलाई भेराइटी छ,’ रन सुजका प्रबन्ध निर्देशक रुद्र न्यौपानले भने, ‘बजारमा एउटा पसलमा धेरै भेराइटीको जुत्ता छान्न उपभोक्तालाई बिकल्प हुँदैन । मेलामा ६ वटा कम्पनीका जुत्ता छानिछानी किन्न पाइन्छ ।’
मेलामा सहभागी कम्पनीहरुले २ हजारभन्दा बढी आधुनिक डिजाइनका जुत्ताचप्पल राखेको बताएका छन् । मेलामा पार्टी, स्पोर्टस, क्याजुअल, स्कुल, कार्यालयका युनिफर्म जुत्ता, महिलाले लगाउने चप्पल, गम बुटलगायत सबै प्रकारका जुत्ताचप्पल छन् । मेलामा ३ सय रुपैयाँदेखि ४ हजार रुपैयाँसम्मका जुत्ता उपलब्ध गराइएको आयोजकको भनाइ छ ।
आकर्षक र गुणस्तरीय जुत्ता विदेशबाट मगाउने ट्रेन्ड पछिल्लो समय परिवर्तन हुँदैछ । स्वदेशमै सस्तोमा गुणस्तरीय, आकर्षक जुत्ता उत्पादन गर्ने कम्पनी बढेका छन् । स्वदेशी जुत्तामा उपभोक्ताले १ बर्षसम्मको ग्यारेन्टीसमेत पाउँछन् । स्वदेशमै कस्ता जुत्ताचप्पल उत्पादन हुन थालेछन् भनेर आफ्नै आँखाले हेर्ने अबसर पनि हो मेला । ‘मेलामा आएर किन्नै पर्छ भन्ने छैन,’ ल्याण्डवाक सुजका सौरभ श्रेष्ठले भने, ‘एक पटक नेपालमा उत्पादित जुत्ताका भेराइटी हेर्न पनि उपभोक्ताहरु मेलामा आउन् भन्ने हाम्रो चाहना हो । नेपालमै कस्ताकस्ता जुत्ता उत्पादन हुन थालेछन् भनेर हरेकले थाहा पाउनु पर्छ ।’ जुत्ताचप्पलको मेलामा जुत्ताचप्पलका पारखीहरु निकै झुम्मिएका देखिन्छन् ।
मेला लागेको एक साता वित्दा उपभोक्ताको भिड बढिरहेको छ । सस्तोमा पाइएकाले परिवारका सबै सदस्यका लागि जुत्ताचप्पल किन्नेहरु धेरै छन् ।

प्रकाशित समय ०६:५७ बजे

vayodha-hospital
NCC Bank

प्रतिक्रिया दिनुहोस्

सम्बन्धित शीर्षकहरु