fbpx
Rashifal Ad
Nepal Mediciti

गृहपृष्ठ तनहुँ जिल्लाका नौ ठाउँमा आकस्मिक पहिरो नियन्त्रण

तनहुँ जिल्लाका नौ ठाउँमा आकस्मिक पहिरो नियन्त्रण

सांकेतिक तस्बिर

जिल्लाका नौ ठाउँमा आकस्मिक पहिरो नियन्त्रणका लागि तटबन्धन निर्माण गरिएको छ । पहिरोको जोखिममा रहेको जिल्लाका विभिन्न ठाउँमा भू तथा जलाधार व्यवस्थापन कार्यालयको सहयोगमा आकस्मिक पहिरो नियन्त्रणका लागि तटबन्धन निर्माण गरिएको हो ।

पहिरो नियन्त्रणबाट करिब ५० हेक्टर जमिन संरक्षण भएको कार्यालयका प्रमुख दिवाकर पौडेलले जानकारी दिए । पहिराको जोखिममा रहेका ती ठाउँमा संरक्षण गर्न स्थानीय उपभोक्ताको सहभागितामा पहिरो नियन्त्रण कार्यक्रम सञ्चालन गरिएको र यसमा २९ लाख ७५ हजार ६१९ रूपैयाँ खर्च भएको उनको भनाइ थियो ।

उक्त कार्यका लागि कार्यालयका तर्फबाट १४ लाख ५१ हजार ४२३ रूपैयाँ उपलब्ध गराइएकामा स्थानीय उपभोक्ताले १५ लाख २४ हजार १९६ रूपैयाँ व्यहोरेका थिए । यास नगरपालिकाको वडा नं १,६,र ८, भानु नगरपालिकाको वडा नं ६ र १३, ऋषिङ गाउँपालिका-६, आँबुखैरेनी गाउँपालिका-२, शुक्लागण्डकी नगरपालिका-२ र शुक्लागण्डकी नगरपालिका-४ मा आकस्मिक पहिरो नियन्त्रण कार्यक्रम सञ्चालन गरिएको उक्त कार्यालयले जनाएको थियो ।

आकस्मिक पहिरो नियन्त्रणका लागि व्यास नगरपालिकाका तीन वडामा कार्यालयको ४ लाख ३२ हजार २६९ रूपैयाँ र उपभोक्ताको ४ लाख ४५ हजार ५८७ रूपैयाँ, भानु नगरपालिकाका दुई वडा कार्यालयको २ लाख ६३ हजार ४७३ रूपैयाँ र उपभोक्ताको ३ लाख ६७ हजार ५ सय रूपैयाँ, ऋषिङ गाउँपालिकाको एक वडामा कार्यालयको २ लाख ४ हजार २०८ रूपैयाँ र उपभोक्ताको १ लाख ९६ हजार ७९० रूपैयाँ, आँबुखैरेनीको १ नं. वडामा वडा कार्यालयको ४२ हजार २८६ रूपैयाँ र उपभोक्ताको ६५ हजार ८ सय रूपैयाँ, शुक्लागण्डकीको २ नं. वडामा कार्यालयको ५ लाख ९ हजार १८३ रूपैयाँ र उपभोक्ताको ४ लाख ४८ हजार ५१८ रूपैयाँ खर्च भएको थियो ।

कार्यालयमार्फत सञ्चालित नदी उकास तथा जग्गा संरक्षण कार्यक्रमबाट  व्यास नगरपालिकाका तीन र म्याग्दे गाउँपालिकाको एक गरी चार वडाका ४५९ घरधुरी लाभान्वित भएका छन् । व्यास नगरपालिका-११ का ४२, व्यास नगरपालिका-१ का ९२, व्यास नगरपालिका-३ का १६० र म्याग्दे गाउँपालिका-१ का १६५ घरधुरी लाभान्वित भएको कार्यालय प्रमुख पौडेलले जानकारी दिए ।उनका अनुसार उक्त कार्यक्रमका लागि कार्यालयका तर्फबाट ९ लाख ९९ हजार ७७४ रूपैयाँ र उपभोक्ताका तर्फबाट ६ लाख ४२ हजार १५० रूपैयाँ गरी कुल १६ लाख ४१ हजार ९२४ रूपैयाँ खर्च भएको थियो ।

कार्यालयबाट सञ्चालित योजनामा दुई पोखरी निर्माण भएकामा यसबाट सिँचाइ गर्न, गाईवस्तुलाई खुवाउन र पर्यटन प्रवर्द्धनमा सघाउ पुगेको कार्यालय प्रमुख पौडेलले जानकारी दिए । साथै २ हजार १६२ घरधुरीको खानेपानीको जलाधार क्षेत्र तथा पानीको मूलस्रोत संरक्षणमा टेवा पुगेको उनले बताए । (रासस)

प्रकाशित समय १५:४६ बजे

vayodha-hospital
NCC Bank

प्रतिक्रिया दिनुहोस्

सम्बन्धित शीर्षकहरु