fbpx
Rashifal Ad
Nepal Mediciti

गृहपृष्ठ बाजुरामा बारीमै कुहिन थाल्यो स्याउ

बाजुरामा बारीमै कुहिन थाल्यो स्याउ

सांकेतिक तस्बिर

सडकको सहज पहुँच नहुँदा करोडको स्याउ बारीमै थन्किएपछि बाजुराका किसान चिन्तित बनेका छन् ।

मार्तडी कोल्टी सडक वर्षात्का कारण अवरुद्ध बनेपछि ढुवानी समस्याकै कारण करोड मूल्यको स्याउ बारीमै थन्किएको हो । जिल्लाको स्वामिकात्तिक, जगन्नाथ गाउँपालिकाबाट पिलुचौर ल्याएर ढुवानी गर्ने सोच बनाएका स्याउ किसानको सपना समयमै सडक नखुल्दा टुटेको छ ।

जिल्लामा एक हजार ५० मेट्रिक कटन स्याउ उत्पादन हुने तथ्यांक छ । बारीमै १५ रुपैयाँ प्रतिकिलो बिक्री गर्दा पनि किसानको हातमा पौने दुई करोड पर्नुपर्ने हो, तर किसानले सडक समस्याकै कारण वर्षेनी नोक्सानी बेहोर्न बाध्य छन् । ४३ किलोमिटर मार्तडी कोल्टी सडकका लागि ३५ करोड रुपैयाँ बढी खर्च गरी सकिएको छ । तर पनि हरेक वर्षात्मा बाटो बन्द हुने गरेको छ ।

कृषि ज्ञान केन्द्र बाजुराका अनुसार यो वर्ष स्याउ उत्पादन बढेको छ । यकिन तथ्यांक नआएपनि २० प्रतिशतले उत्पादन बढेको अनुमान केन्द्रले गरेको कृषि प्रसार अधिकृत एवं सूचना अधिकारी मीनप्रसाद जैशीले बताए । स्याउ बारी नजिक उचित बजार नहुनु र मार्तडी कोल्टी सडक बन्द हुनु किसानका लागि अभिसाप बनेको छ । जिल्लाको २३० हेक्टरमा स्याउखेती गरिएको छ । (रासस)

प्रकाशित समय १०:१० बजे

vayodha-hospital
NCC Bank

प्रतिक्रिया दिनुहोस्

सम्बन्धित शीर्षकहरु